Shakira-i ‘Me Gusta’ sayaogo

Aenjeti/January 13, 2020 (Agencies): Shakira-i ‘Me Gusta’ ta nüngja agütsüba ken tasen ka Hombarnü (13.01.20) sayaogo, koba taküm Shakira indang mezüng ken asütsü.
‘Hips Don’t Lie’ ken atenla Shakira indang ‘Me Gusta’ ken nung Puerto Rico nunger rapper Anuel AA dena lir.
Taoba küm October ita Shakira-i Camilo aser Pedro Capo nati atenba ‘Tutu’ indang remix version ka sayaba sülen, arishi küm 42 tain Shakira-i music tasen ya yanglutsü asoshi la fans dang tease süa liasü.
Shakira, shibai 2017 küm ‘El Dorado’ kensep sayaa liasü, lai Jennifer Lopez den Super Bowl Halftime show nung külemi shilem agitsü asoshi renemshidar. Iba sentong ya February 02, 2020 nü Miami, Florida nung ayongzüktsü.
Shakira-i ashiba agi, ”Ni asoba anogo (February 2) nung Super Bowl Halftime show sentong agitsü! Ni teti dang Super Bowl nung shilem agiüa liasü. Entertainment industry nung iba sentong ya tongtibang ama ni bilemer…”