Shakira indang ‘Waka Waka’ views billion 1 jungogo

ShakiraJanuary 27, 2016: Colombia tsür nüngtugu kentener, Shakira ken ‘Waka Waka (This Time For Africa)’ Youtube nung views billion ka jungogo.
FIFA World Cup omen ken ‘Waka Waka’ ajanga Shakira-i iba alizüng (1billion views) tongtetogo. Iba alizüng ya Latin nunger kentener Bruno Mars (Uptown Funk collaboration with Mark Ronson) aser Enrique Iglesias (2014 ken Bailando) nati dang tongteta liasü aser tang Shakira-ia tongtetogo.
Shakira-i twitter ajanga, “Wow! Tangbo Waka Waka BILLION views jungogo! Iba ken aser video ajanga kü taküm melenshir,” ta ashi.
Waka Waka (This Time For Africa) ken ya YouTube nung timtiba reprangba tarensen jenjang 20buba nung lir, aser Mongolbarnü (January 26) 1,001,988,383 views ajung.
Psy indang ken ‘Gangnam Style’ tang tashi temaba jenjang nung lir aser iba ken video views billion 2.5 lir.
Iba world cup atema 2010 küm Waka Waka ken video tangokba mapang Shakira-i Spain nunger ball asayar, Gerard Pique ajurua tena meimtep aser tang tena nem jabaso ana-
Arishi küm 3 Milan aser Sasha (1) na moaja lir.

You must be logged in to post a comment Login