Shanghai Masters: Albert-i Federer tsükdaktsü

Shanghai, October 13 (Agencies): Spain nunger Albert Ramos-Vinolas-i World No. 3 aser defending champion, Roger Federer tang tasayadak Shanghai Masters tebur singles tanabuba round nung tanü Mongolbar nü tsükdaktsüogo.
World No. 70, Albert-i tanü points 7-6 (4), 2-6, 6-3 nuga tan asayamong nung 2 buba jenjang abensang, Federer madak takok angu.
Albert-i France nunger Jo-Wilfried Tsonga mesüra Victor Estrella Burgos na rong nung ka den 3 buba round asayatsü.
Canada nunger Milos Raonic-ia Brazil nunger Thomaz Bellucci madak takok ngua 3 buba round-i aiba aser South Africa nunger Kevin Anderson-i Germany nunger Tommy Haas tsüdakja 3 buba round atongba osanga jangjaogo.
Tan asayamong nung temaba jenjang abensang, Serbia nunger Novak Djokovic-ia Slovakia nunger Martin Klizan den 2 buba round asüng, Bodbar nü asayatsü lemzüka lir.