Shanghai Masters: Nadal o Kyrgios na tsükogo

Shanghai, October 12 (Agencies): Spain nunger tennis asayar mongin, Rafael Nadal aser Australia nunger Nick Kyrgios nati tanü, Bodbar nü tamakok ajurua, tang tasayadak Shanghai Masters asayamong nung joko toktepa shilem magitettsüsa jenjang tamajung ajuruogo.
Serbia nunger Viktor Troicki-i tanü tebur singles 2 buba round asaya nung points 6-3, 7-6 (7/3) ngua, Nadal tsükdaktsü.
Tebur World No. 110, Germany nunger Mischa Zverev-ia points 6-3, 6-1 ngua, tebur World No. 14, Kyrgios madak takok ngua liasü.
Ano külen, Switzerland nunger Stan Wawrinka-i points 6-3, 6-3 agi Britain nunger Kyle Edmund tsükdakja, 3 buba round-i aiba osang jangjaogo.