Shanghai Open: Coric-i Wawrinka tsükdaktsü

Mongputeni/October 9, 2018 (Agencies): Tentonü Shanghai Masters mezüngbuba round nung Croatia nunger Borna Coric-i Grand Slam asem tashi koker alisang Stan Wawrinka 4-6 6-4 6-3 agi kokogo.
Coric, shibai Beijing aser Shenzhen nung taoba asayamung ana tashi nung asaya ka danga koka mali pai asaya nung game 3-3 koker aliba mapang break point ana tashi sota decider nung mezüngbuba game pezü akok.
Coric aser Wawrinka na tsüngda pezüben asayaba nung pai tang mezüngbuba akoker.
Taruba round nung Coric, America nunger qualifier Bradley Klahn den asayatsü shibai Nick Kyrgios 4-6 6-4 6-3 agi kokogo.
Kasa mapang nung Greek nunger Stefanos Tsitsipas-i 7-6(4) 4-6 6-4 agi Gael Monfils madak takok nguogo.
Kasa asayamung tanga asaya ka nung Canada nunger asayar Milos Raonic 6-3 5-7 6-3 agi America nunger qualifier Mackenzie McDonald-i tsükdaktsüogo.
Maneni America nunger Sam Querrey-i 6-3 6-4 agi world number 16 Diego Schwartzman kokogo. Pa taruba asaya külem America nunger Taylor Fritz den asayatsü, shibai Robin Haase 6-3 7-6(3) agi kokogo.

You must be logged in to post a comment Login