Shania Twain-i kenten sentong 2 nung shilem magiteter

New York, October 07 (Agencies): Shania Twain-i lar Rock This Country ta ajaba tesem balala semdanga ayongba kenten sentong 2 tashi nung shilem magitettsüsa akümba osang ka metetdaktsüogo.
Taoba mapang Grammy sempet 5 tashi agizükla, Shania tango sashitsü timtem ka ajuruba yong lai New Hampshire kübok Manchester aser New York kübok Albany na nung ayongba kenten sentong nung shilem magitettsüsa akümba osang jangjaogo.
“Doctor-i kü temang tendangba sülen kü dang anogo ishika anisüngzüktsü ashi aser pai tuyuba ama ni anisüngzüka kü temang tia tajungba kümdaktsütsü lemtetogo,” ta Shania-i par Facebook page ajanga metetdaktsü.
“Shania-i tan ayongba kenten sentong nung shilem magitettsüsa akümba atema sasar. Ajisüaka, lai tan October ita 9 nü Quebec City nung ayongba kenten sentong nungbo sentong renemba ama shilem agitsü,” ta lar ketdangseri metetdaktsü.
Ano külen, tan agiba sülenbo lai tarutsü mapang nung tesem balala semdanga kenten sentong mayongtsü lemtetba osang ka Shania-i metetdaktsüogo.