Shania Twain kenten sentong ka kaogo

August 21, 2015: Brihostibar nü Staples Center, Los Angeles nung Shania Twain kenten sentong ka akaba mapang iba tesem anasa aliba lenmanglen ali telung nung langka ka apokba ajanga electric power meli kümdaktsüba ajanga kanga manga aküm.

Electric mali akümba mapang la ‘That Don’t Impress Me Much’ ken tena liasü.

Iba tatalokba ya la sentong akaba tesem nungi tatsüka dang pilar atalok.

Anungji la den inyakertemi lenmang kar ajanga electric mesür arutsü asoshi ataba mapang Twain-i ken atenba anener la sapurtem, la ken atenba reprangi arurtem den sensak sema liasü, aser kodang electric mesür aru lai ken atentsü tenzük.

Iba kenten sentong temer külen lai, “Onok Los Angeles nung kanga jangratema mongogo. Electric oadok saka mapang tatsüka tsüngda nung anepaluteta tanaben kentena liasü,” ta twitter ajanga lemsatepa.

Nisung kari, “Power outages Don’t Impress Shania Twain Much” aser taonung lai ken atenba ajanga Los Angeles anokshitsüogo!….Nai kanga junga inyakogo, na ya shitakba mongin ka lir, Shania Twain! Nü dang kanga pelar,” ta twitter ajanga lemsatepa liasü.

Osang kar ajanga ashiba agi, iba lendong ya ki ka meyong generator ajanga adokdaktsü aser lendong nung nisung pezü yiru, ajisüaka mi remsepertemi kanga takok ngua iba mi remsepa liasü.