Sharapova nem küm 2 tashi tennis masayatsü temerenshi agütsür

London, June 08 (Agencies): Russia’er tongti tetsür tennis asayar, Maria Sharapova nem küm 2 tashi tennis masayatsü temerenshi tanü, Bodbar nü agütsüogo.
Taküm, 2015 küm January ita asayaba Australian Open nung ozüngi memelaba meldonium mozü chia aibelenba ken o nung ajemdaker arishi küm 29 tain Sharapova nem tan temerenshiji agütsür lir.
“Anti-Doping Rule Violation aibelenba ajanga 2016 küm January ita 26 nü nungi tenzüka, 2018 küm January ita 25 nü tashi tennis masayadaktsütsü temerenshi Sharapova nem agütsüogo,” ta International Tennis Federation (ITF)-i osang jangjashitsü.
Ajisüaka, “Kü nem agütsüba temerenshiji aibelenba den mapet tesashi temerenshi agütsür kechiyong ni metetsümonga meldonium mozü machi,” ta shia, Sharapova-ia la nem agütsüba temerenshi tanaben reprangshidaktsütsü onük Court of Arbitration for Sport (CAS) nung benoktsü renemba osang ka metetdaktsüogo.