Sharapova Russia’er Olympics telok nung densemer

Moscow, May 26 (Agencies): Russian Tennis Federation (RTF)-i taküm August ita 5 nü nungi tenzüka Brazil nung asayatsü ayongba Rio Olympics tennis tetoktepba nung shilem agitsü asoshi shimer tetsür singles asayar 4 rong nung Maria Sharapova-a densemba osang jangjaogo.

Sharapova den külemi, Svetlana Kuznetsova, Anastasia Pavliuchenkova aser Darya Kasatkina nunger shimsemba osang ka RTF Tir, Shamil Tarpishchev-i metetdaktsü.

Linük shiai international sabang nung points timba ngua alir tetsür asayar 4 tenüng benoktsü temten Olympics temzüngi agüja lir saka ozüng alema mozü mora achiba ken o nung tennis asayatsüren nung shilem magidaktsütsü tenokdangba benoka aliba yong Sharapova-i Olympics nung asangsang shilem agitetsü asü magitettsü iba osang tang tashi mejangjateti lir.

Aji oda, Sharapova-i Olympics nung shilem agitsü temeten mongutetra, Yekaterian Maksimova-i Sharapova melena Olympics nung shilem agitsü renema lir.