Sharapova WTA Finals semifinal-i iogo

Singapore, October 29 (Agencies): Russia tsür, Maria Sharapova-i tanü takok ngua tang tasayadak WTA Finals semifinal nung shilem agitsü jenjang nguogo.
Sharapova-i tanü points 7-5, 6-1 ngua Italy tsür, Flavia Pennetta madak takok angu.
Taoba September ita US Open tetsür takok marok agizükba sülen, taküm tashi dang tennis toktepa asayatsü lemtetba osang sangoktsüla, arishi küm 33 tain Pennetta-i tanü tamakok anguba yong la atema tanü asaya ya tatembangbuba asaya akümer lir.
Ano külen, Sharapova-i tanü takok anguba ajanga Poland tsür, Agnieszka Radwanska-ia semifinal nung shilem agitsü jenjang nguogo.
Radwanska-i lar tatembangba Red Group asaya nung points 7-6(5), 6-1 ngua Romania tsür, Simona Halep madak takok angu saka Sharapova-i Pennatta tsükdaktsü nung dang lai semifinal nung shilem agitsü jenjang angutsüsa tia ajurua liasü.