Sharath o Mouma nati Rio Olympics nung shilem agitsü

Hong Kong, April 16 (Agencies): India’er table tennis (TT) asayar, Achanta Sharath Kamala aser Mouma Das nati Asia Olympic Qualification asayamong Stage 2 final asaya koka 2016 Rio Olympics nung shilem agitsü jenjang tanü, Honibar nü nguogo.
Sharath-i tanü points 4-3 (12-14 11-6 3-11 7-11 11-4 11-7 11-6) agi Iran nunger Noshad Alamiyan madak takok ngua jenjang tajungji ajangzük.
Tawa asayaba Asia Zone qualifiers nung 3 buba jenjang ang anguba yong Sharath-i Rio Olympics nung shilem agitsü jenjang monguteti liasü.
Arishi küm 32 tain Mouma-i tanep points 3-11 9-11 10-12 5-11 ngua North Korea tsür, Ri Myong Sun nem takok ngudaktsü saka lai final asaya nung points 4-1 (11-13 11-9 13-11 11-7 12-10) agi Uzbekistan tsür, Rimma Gufranova tsükdaktsüba yong laia India tenüng nung Olympics nung shilem agitsü jenjang angu.
Arishi küm 34 tain Sharath o Mouma nati taoba mapang, 2004 nunga Athens nung ayongba Olympics nung India tenüng nung shilem agia lir.
Ano külen, Soumyajit Ghosh aser Manika Batra natia taküm August ita asayatsü Olympics nung India tenüng nung shilem agitsü jenjang tawa nguogo.