Sharif & Gen. Bajwa nati Jadhav atema jembi

Islamabad, April 12 (Agencies): Pakistan Prime Minister Nawaz Sharif aser Army tanishir General Qamar Javed Bajwa nati India atema itdangitrar Kulbhushan Yadav nem tasüba temerenshi agüja aliba onük nung tangari ashiba kecha mangatsü, ta tanü telemtetba agi.
Bodbarnü Bajwa-i Sharif den ajurutepa Jadhav indang onük lemsatep, ta Sama TV ajanga metetdaktsü.
Taoba Hombarnü Pakistani military okadaki kati Jadhav nem tasüba temerenshi obendang agütsü. Pai India atema itdangitraba aser Pakistan anema rara menaba atema tai tonglokja iba oshidang agütsü.
Jadhav alensetra, ibaji Pakistan-i jelia nisung tepsettsü tasa atonga inyakba mapa ka ama züngshitsü ta India-i amokmerena metetdaktsüogo.
Pakistan-i ashiba agi, Jadhav ji March 2016 nung Balochistan nung apu. Ajisüaka, India-ibo pa Iran nung apu ta ashir.
Jadhav-i Research and Analysis Wing (RAW) atema mapa inyak ta Pakistan-i tai tongloktsür.