Sharingain Longkumer MLA kümogo

Kohima, May 28 (TYO): Nagaland Legislative Assembly nung züngsem tasen Sharingain Longkumer-i Mongulbarnü assembly nung tezüngzüktep agiogo.
Assembly Secretariat nung NLA Speaker Vikho-o Yhoshu-i pa indang chamber nung Sharingain nem tezüngzüktep agidaktsü.
Iba mapang Deputy Speaker Zhaleo Rio, Forest, Environment, Climate Change Minister, CM Chang aser Advisor Mhathung Yanthan o Advisor Imnatiba nungertem liasü.
Sharingain Longkumer-i Mokokchung district kübok 26-Aonglenden Assembly constituency by-election nung takok angu.
April 11 by-election nung pai NDPP candidate ka ama toktepdang votes 6245 agi Congress candidate Alemjongshi madak takok angu.
Yaküm September ita taoba MLA Imtikumzuk ajungbena asüba sülen 26-Aonglenden Assembly constituency indang menden tazüng aküm.
Sharingain Longkumer-i takok anguba sülen Nagaland State Assembly nung NDPP MLA 20 jungogo aser PDA teloktep nung BJP MLA 12, JD 1 aser Independent 1 ka lir. Külen Opposition NPF MLA ajak agi parnok 26 lir.