Sharmila Tagore-i Icon Award angu

London, July 24 (Agencies): Bagri Foundation London Indian Film Festival nung India tsür actress, Sharmila Tagore aser director, Shekhar Kapur na nem Icon Awards agütsüogo.
“Taküm iba festival ya tongtibangsüa tetsürtem aser cinema nung rangloker amung aser tetsür director temi direct asüba film tenet liasü,” ta Tagore-i ashiba variety.com osang ajanga metetdaktsü.
Sharmila Tagore-isa, “Icon Award agizükba atema ni pelar aser maneni ainba iba festival nung master class jangratema agiogo,” ta ashi.
July 14 nungi July 24 nü tashi 7buba Bagri Foundation London Indian Film Festival nung London aser Birmingham na nung oshi balala 15 nung film tem den külemi tetsürtemi yangluba film tenet saya.