Sharon Osbourne, Nicole nungeri maneni ‘X Factor’ tendangtsü

June 01, 2016: Sharon Osbourne, Nicole Scherzinger aser Louis Walsh nungeri maneni Simon Cowell den ‘X Factor’ nung tendanger inyaktsü.

Taküm küm ‘x factor’ tetendanger panel nung Sharon Osbourne, Nicole Scherzinger aser Louis Walsh nungeri maneni tendangtsü osang jangjaogo.

2004 küm iba show tenzükdang tetendanger rongnung Sharon Osbourne-a liasü, ajisüaka 2013 küm lai tatemsabuba tendanga liasü.

Arishi küm 63 Sharon-i, iba show nung maneni “Lou, Lou, tebur tajung Nicole aser samesa Simon nunger den külemi mender tendangtsü atema jangrar,” ta ashi.

Louis Walsh dang Sharon-i Lou Lou ta ajar, aser iba show original tetendanger rongnung pa-a liasü ajisüaka Nick Grimshaw o Rita Ora nunger iba panel nung adenba sülen pai iba show tokja liasü.

Taoba mapang Pussycat Doll züngsem, Nicole Scherzinger-i 2013 küm tatemsa iba show nung tetendanger inyaka liasü, aser mameni taküm lai iba show nung tendangtsü.

Taküm küm iba show audition round June 10 nü Leicester City nung aliba King Power Stadium nung tenzüktsü.