Shashi Kapoor indang taküm otsü kaket sayaogo

Mumbai, May 6, 2016 : Bollywood nung nüngtugu film actor tejen Shashi Kapoor indang taküm otsü kaket Hokolbarnü sayaogo.
“Shashi Kapoor – the Householder, the Star” ta tenüng agütsür züluba, Shashi Kapoor taküm otsü kaket ya film atema osangbener Aseem Chhabra-i zülu aser pai akok tashi arishi küm 78 tain Kapoor dak atalokba otsü ajak inoker amai inoka iba kaket züluogo.
Iba kaket sayaba osang angashia film yanglur Karan Johar-i, “Aseem Chabbra-i züluba ‘Shashi Kapoor: The Householder, The Star’ kaket sayaogo,” ta twitter ajanga Hokolbarnü lemsatep.
2015 küm Dadasaheb Phalke Award angusang, Kapoor-i  “Waqt”, “Deewar”, “Trishul” aser “Utsav” film tem nung shilem kanga junga agia lir.