Shastri-i 2016 World T20 tashi Team Director mapa abentsü

New Delhi, September 13 (Agencies): Linük nung 2016 T20 World Cup asayamung tashi Indian cricket team Director Ravi Shastri sa asütsü ta BCCI advisory committee ajanga metetdaktsüogo.
Shastri ya 2014 August ita nung iba menden asoshi shimoka liasü aser mapang agi tongakasa 2016 April ita nung World T20 asayamung matem tashi kasa mapa bena atatsü pa nemsa nungloktsüogo.
World T20 6buba ya India nung March 11 nungi April 3 tashi asayatsü lemteta lir.
Yaküm Test asaya nung India-i England makokba sülen taoba mapang India nungi cricket asayar rongnung all-rounder, Shastri nem iba mapa nunglokja liasü.
Pa shimer külen takok tulu aguba anaji, Australia aser New Zealand nung 50-over World Cup asayamung nung team-i semi-final tongtetba aser küm 22 sülen Virat Kholi-i anir Sri Lanka test series nung akokba tem lir.
Indian Cricket team-i junga asayatetba ngua advisory committee nung züngsemtem Sachin Tendulkar, Sourav Ganguly aser VVS Laxman nungera mapang agi tongaka ano mapang talila züngsem kaka ama inyakdar.
Committee-i Shastri den külemi ano assistant coach tema sangküm T20 matong tashi sodi magütsüi mapang atsülangtsüogo. (Sanjay Bangar assistant coach (batting), Bharat Arun bowling consultant aser R Sridhar fielding coach).
BCCI Tir Jagmohan Dalmiya aser Honorary Secretary Anurag Thakur nati coaching staff temi mapa tajung inyaktetba aser nungloktsüba mapa marendaki agizükba asoshi tenüngsang agütsüogo.

You must be logged in to post a comment Login