Shatrughan Sinha-i par jala nem tenüngsang agütsü

Mumbai, April 21 (Agencies) : Bollywood nung actor tejen aser politician Shatrughan Sinha-i par jala actress Sonakshi Sinha-i tan tesüsa shilem agiba “Noor” film asoshi la nem tenüngsang agütsü.
Pai, iba film yagi ni nema tangdaktsür, ta ashi.
“‘Noor’ film agi tesangwa dang masü saka nema tangtsü dena bener arutsür. Iba film nung shilem agirtemi junga shilem agiba dang masü saka Sunhil Sippy-ia kanga junga direct sütetogo,” ta Hokolbarnü Shatrughan-i tweet asü.
Actor-comedian Kanan Gill-i Sonashi bendanga agüja yariogo, ta Shatrughan-i ashi.
Shatrughan-i, iba film nung ozü jala Sonakshi-i kangsa junga shilem agitetogo, ta ashi.
“Sonakshi Sinha-i iba film nung kanga tobur junga shilem agitetba ajanga la ajaki ranglokba nisung ka kümogo. Tsüngremi la moajang,” ta paisa ashi.
Noor film ya Saba Imtiaz-i züluba novel “Karachi, You’re Killing Me!’ otsü nung amendaker Sunhil Sippy-i direct asü. Film nung Kanan Gill, Shibani Dandekar aser Purab Kohli nungeria shilem agia lir.
Sonakshi ya ano Abhay Chopra indang film “Ittefaq” yanglushiba nunga Sidharth Malhotra den shilem agitsü asoshi sentong lir.