Shawn Mendes aser Camila Cabello nati MTV VMAs nung ‘Señorita’ ken atentsü

August 22, 2019: Shawn Mendes aser tedong Camila Cabello nati MTV Video Music Awards sentong nung ‘Señorita’ ken atentsü, ta osang jangjaogo.
MTV Video Music Awards sentong ya Hombarnü (27.08.19) agitsü.
Canada nunger kentener, Mendes aser ‘Havana’ ken atenla Camila nati tawa tena meimtepba osang Instagram ajanga sangdonga liasü.
MTV indang official Twitter page ajanga, ”Iba ya official: @shawnmendes aser @camila cabello nati taküm #VMAs! nung #Señorita ken atentsü,” ta metetdaktsü.
Taküm agi küm asembuba atonga MTV VMAs nung Shawn Medes-i shilem agitsü. 2017 küm pai VMAs nung ‘There’s Nothing Holdin’ Me Back’ ken tena liasü aser yaküm kasa sentong nung ‘In My Blood’ ken tena liasü. Taküm MTV VMAs sentong nung award pongu atema pa nominations lir.
Pa tedong Camila-i yaküm award ana angu aser taküma nominations pezü lir. Labo tang meüzng MTV VMAs nung shilem agitsü.
Kasa sentong nung Lizzo, Lil Nas X, Bad Bunny, J Balvin aser Rosalia nungeria shilem agia ken atentsü.
Arishi küm 22, Camila-i tawa Instagram ajanga tedong Mendes arishi küm 21 ajungba anogomung nung tasoba anogo salem lemsatepaba den külemi lai pa ameimba yimjak nung sangdonga liasü.