Sheen obendang daki jaoktsüla: Bree Olson

November 23, 2015: Tesüiba mapang Charlie Sheen tedong aser pornstar, Bree Olson-i, Sheen-i pa dak HIV keta lir ta mashiba ajanga kü taküm koda masüba jenjang ka nung toktsüogo, ta ashi.
Arishi küm 50 tain, Sheen-i küm pezü tejaklen, 2011 küm tatemlen, pa dak HIV keta aliba putet ta temai adoka sangdong.
Aji oda süaka 2011 küm tetenzüklen tena medemba mapang pa temang touzük ajema küma pa dak HIV adokba temaitsü kar ajiteta liasü. Anungji pai mapang shitak nung ochi mashiba atema US nung obendang daki jaoka tapet temerenshi agütsütsüla, kechiba süra US nung tangar dak HIV menaloktsübaji ozüng anema lir, ta Olson-i ashi.
“Pai kü taküm lendong nung toktsü. Pai iba tashidak küna temedemdak nung mesüra pilar ang metet asütsü akok, ajisüaka kü takümbo lendongi yokogo,” ta Olson-i The Sun osangkaket dang ashi.