Sheena Bora indang temetettsü

Tebu tenüng : Siddhartha Das
Tetsü tenüng : Indrani Mukerjea
Tedi tenüng : Mikhail Bora
Tanabuba tebu : Sanjeev Khanna
Tasembuba tebu : Peter Mukerjea
Tebou tenüng : Upendra Kumar Bora
Tetsü tenüng : Durga Rani Bora
Sheena Bora ya February 11, 1987 nü Guwahati, Assam nung aso. La küm 25 asüdang 2012 küm April 24 nü Mumbai nung asü.
2006 küm Sheena Bora-i tetsü Indrani alidak Mumbai ao. La 2006 nungi 2009 tashi BA St. Xavier’s College, Mumbai nung azüng.
2009 küm la Reliance Infrastructure nung management trainee mapa inyak. Ano 2011 küm Sheena Mumbai Metro One nung Assistant Manager mapa inyak.
2012 küm April 24 nü Sheena-i mapai moi lai mapa nungi anentsü-ang shidi agütsü aser panüjisa Sheenai tanabuba tebu Peter Mukerjea’er jabaso Rahul Mukerjea dangi dena mekazütsü ta la Mobile phone ajanga SMS yok. Iba anogo sülenjibo Sheena kodanga kidangi meshilang. Sheena tetsü Indrani-bo la US-i tazüngi ogo ta ashi, ajioda süaka la kidangi meshilangba indangbo police nem FIR-ia magütsüi liasü.
Rahul-i Police dang Sheena indang asüngdangba ajanga, police-i Indrani alidak Worli tesemi oa asüngdangya asü, saka Indrani’er külem inyakertemi la India toktsür ogo ta police dang ashi. Indrani India-i meyipa arur külen lai Police tsüngdang oa Rahul-e Sheena sülen kanga anishiba agi Rahul dang meima USA-i oadok ta shia liasü.
Ita pezü shi police-i Indrani kechai meyoki Sheena bora asüba ken o bushisüngdang asü. Iba mapang nungji police-i Indrani-a lar jala Sheena Bora samaba ken o nungi aibelena lir ta temulung melemi bilem. Indrani gari anishisang Shyam Rai-i nok nü mamshitsü nung amshiba nung aija police 2015 küm August 21 nü apu. Iba sülen Rai-i police tsüngdang Sheena tepsetba osang ajak metetdaktsü.
2015 küm August 26 nü Sheena Bora tenu Mikhail Bora-i Sheena Bora ya Indrani tenu masü, saka chijiba lar jala lir ta police tsüngdang nangzük.
2012 küm May 23 nü yimtaklirtemi tasümang ka anguba indang police dang metetdaktsü. Iba tasümangji shizüka orr teret dang anguba ajanga shiba’ar mejangjaba agi Police JJ Hospital, Mumbai nem agütsü. Sheena Bora indang teret Pen tehsil, Raigad, Mumbai nung nguteter ita 40 tashi (August 2015 tashi) liaka la indang teret anguba indangjibo osang kecha maliasü.
2015 küm August 25 nü Indrani Mukerjea’er jala Sheena Bora tepsetba ken o nung aija Mumbai police-i sections 302 (murder), 201 (causing disappearance of evidence) and 34 (criminal conspiracy) of the Indian Penal Code küpok ajemdaker Indrani Mukerjea apu aser Bandra Metropolitan Magistrate nung ken o benok aser tang tashi police ket nung yua lir.
Ano 2015 küm August 26 nü Indrani tanabuba tebuba Sanjeev Khanna Kolkata nung sections 364 (kidnapping), 302 (murder), 201 (causing disappearance of evidence) and 120-B (conspiracy) of the Indian Penal Code küpok kasa ken o nung aija apu.
Indrani Mukerjea-i lar jala Sheena Bora tepsetsü sentongji tanabuba tebuba Sanjeev Khanna denati yanglu ta Indrani Mukerjea indang driver Shyamvar Pinturam Rai-i police tsüngdang metetdaktsü ta Hindustan Times osang ajanga sangdong.
2012 küm April 24 nü Indrani ki para kidang Opel Corsa nung lar jala Sheena tepsetba reprangi Khanna Hotel Hilltop, Worli Mumbai-i ao.
2012 küm April 24 nüjisa Indrani-i Sheena nikongtsütsü ajurutsü shia liasü. Ajisüaka, Sheena-i tetsü ajurutsü memelung saka hai ta shia liasü. Iba sülen Indrani-i 6:00 pm nung Worli tesem or Hotel ka nungi Khanna la gari nung anioker lar jala Sheena ajurutsü ayameso. Iba mapang nungji 7:00 pm nung Rahul Mukerjea-i Sheena anir National College, Linking Road Bandra tesem-i Indrani, Sanjeev aser gari anishisang Shyamvar Rai nungertem ajurutsü ao.
Parnok ajuruteper külen tetsü gariji tejaklen Indrani den gari anishisang Rain a amen aser tesülen menden nungji Sheena o Khanna na mener Sheenaji anir Bandra tesemi or Khanna-i Sheenaji alenseta südaktsü ta Police osang ajanga ashi.
Police-i ashiba agi, Sheena tepseter kelen tasümangji Indrani talidak Worli-i juli ka nung inoker gari tesülen khu ayudak bener ao.
Iba mapang nungji Khannabo hotel ao aser Indrani lar kidang mejang aser gari anishisangjibo gari nung dang tasümang aliba jagi mejang.
Tasüngnep (April 25, 2012) züngia Khanna, Rai aser Indrani par asemi tasümangji Gagode, Pen tehsil, Raigad-i bener ao. Iba mapang nungji Highway lenmang nung police nungi jenbutsü mechi tasümangji gari nungi agiteta Indrani aser Khanna na yongtsü nung Sheenaji mejanger aor amai sayutsü atema mendaktsü.
2012 küm April 25 anepdang 4:00 ako meta arem min anasa kati or par asem-i tasümangji gari nungi atsüzüker petrol shitoktsür tasümangji metsü maküm tashi arongba ata kazür Khanna, Rai aser Indrani par asemji Mumbai meyipba ao aser Khannabo tasüngji Mumbai toktsür ao ta Police osang ajanga metetdaktsü.