Shibai asenok meimer aser pei zü agi asen menen nungi asenok sala

Tzü aikati temeim remseptsü makok mesüra tzümetsüng agi aji metsüngbangtsü makok. Nisungi tembar asoshi pei taküm yutsütsü, iba dangji tuluba shinga temeim mali.
Temenen nungi pilaa asenok sür külen temeshiba atema taküm alitsü asoshi pai pei sasa süngdong nung pei temang nung asen menen aben; aser Pa tazükba zübu agi asenok aneb. Aser Khrista taochi rongsen amato asenoki Khrista nung Pa zü ajanga asen tekümtet, oda asen temenen tatokbaji angu. Saka asen Kibuba Yisu Khrista tenüng nung aser asen Tsüngrem Tanela nung nenok shidokogo, nenok meshitetogo, nenok metendaktsüogo. Nenok teshimetetba kin, chuba putir telok, temeshi kin aser Tsüngrem pei agitsü purtem nenok lir. Anungji adianutem, nenoki pei mang taküm tenla ka, temeshi aser Tsüngremi agizüktettsüsa tenlaang ta ni Tsüngrem yimlibilem agi nenok ajungshir. Ibaji nenok tanela tekülemba lir.
J. Adok 1:5; Yn. 15:13; 1 Peter 2:24; Ef. 1:7; 1 Kor. 6:11; 1 Peter 2:9; Rom 12:1
Temeim Oba, Nai agizüktettsüsa ni Na külemtsü kü dang sayuang. Amen.