Shibai parnok idakji yutsü? (T. Ken 75:1-10)

Kodang nüburtemi peisasa temaba atur aser mezüngbuba asütsü meranger, tekong 7 ji azüngtsü junger: “Saka Tsüngremji o bendanger. Pai ka ludaktsür, ka tudaktsür.” Iba yagi asenok asükümba arütsür. Nüburtem kechi jenjang nung lir parnok idakji alitsü shibai mela? Tsüngremi Yohan Baptitsübai ashi, “Kotak nungi nisung nem kechi agütsür iba dak alema, pai kecha angutsü makok” (Yn. 3:27). Peteri zülu, “Anungji mapang tetemsü nung nenok uludaktsütsü asoshi, nenoki nenok sasa tashi taitba teka kübok ajemalua kümang” (1Peter 5:6). Shibai tanishirtemi temaba jenjang nung ulutsür? Tsüngremi. Shibai temeba menden nungi teküpbokbai uludaktsür? Tsüngremi. Ibai inyaktsü shiba shisa aka? Tsüngrem. Pa kechi jenjang nung lir aji Tsüngremi pa idakji nüngdaker ta shingai mebilemtsüla.
Asenok kong lir idakji lir, kechiaser Tsüngremi asenok idakji yutsü ta asenoki angatetdi. Tekong 7 jagi asenok asükümba dang arutsür masü- iba yagi aremzüktsü ajungshir. Yosef taküm bilemdangang, pa tsükchirtem ludaktsütsü aser pa kechi nung alitsü tim ataa ali. Mosa aser Nehemiah indang bilemdangang. Asenok taremzük koda nüngdak! Ken ken Tsüngremi pa nübur taochi makaba yimsüsür kübok yutsür. Asenoki mulungba raksatsü asoshi Tejen Lai nung ama, Tsüngremi mapang tamajung ajanga odaktsür aser asenok tali pa mesüka kümdaktsür.
Tasembuba, iba yagi asenok taküm nung shisa bulu pungpadaktsür. Na tanishir menden nung lir asü? Tsüngremi na idakji yutsü. Tsüngremi na idakji yutsü nungji Pai mulungba tashi na idakji alitsü. Pai shimtetba lemang nung Tsüngremi na amshitsü. Asüküm masütsü kümdangang. Kodang asenoki asükümdir aser mezümekümdir, Tsüngremi ashir, “Ibai na alutsü mapang lir.” Saka asenoki asen tila kümra, Tsüngremi ulutsütsü. Pa tekai asenok ajungkettsü. “Tsüngremi asükümer nokdanger, saka ajemalur nem taochi agütsür” (1 Peter 5:5).
Tanishir tajung kübok na mapa inyakdak mesüra arogo nung timtema alir asü? Tangari telemtetba tamajung agiba agi parnok idakji yutsü asü? Ne khuret ajak Tsüngrem dangi bener arung aser itemji lemsatepang. Maneni aotsü Pa dang tashi asüngdangang aser Pai obendangtsü ta bilemtettang.