Shillong aser IIFT na tezüngzüktep agi

Dimapur, Monupii/May 23, 2019 (DIPR): NEC (North Eastern Council) ya ‘state of the art’ resource centre yanglutsü asoshi tenzükba maparen shilem ka ama May 22, 2019 Bodbarnü North Eastern Council, Secretariat, Shillong nung North Eastern Council (NEC), Shillong aser Indian Institute of Foreign Trade (IIFT), New Delhi na tsüngda MoU sign sütepa liasü.
Iba tezüngzüktep ajanga NEC aser IIFT na tsüngda longjema IIFT Kolkata Campus nung Centre for North Eastern Studies (CeNEST) amenoktsü asoshi lenmang lapoktsütsü.
Iba Centre yagi shishilembaba scheme balala ajungkettsütsü asoshi mapatong aser asalentong yangluba nung maparen ayongdaktsütsü; iba denji külemi international sabang nung shishilembaba dak sendakba nung asadangtsü asoshi research balala agitsü, kija aser loktitem lenla balala nung nungittsü aser tebilembatem longjema lemsateptsü asoshi North Eastern States tem yaritsü.
Item maparen ajanga North East State nungi adokba product tem bendangleni yoktsü asoshi yaritsü aser kasa mapang North East kübok state balala nung shishilembaba tsütsü temelenshi bener arutsü.
Tawa tenzüktsüba (CeNEST) indang website ya Secretary, NEC Ram Muivah-i sayatsüba den külemi lapokja liasü.
Iba MoU (Memorandum of Understanding) ya IIFT tenüng nung NEC aser IIFT Kolkata nungi ketdangser matsüngdang NEC, Secretary Ram Muivah aser Prof. K. Rangarajan nati sign süa liasü.
North Eastern Region economic aser social development atema North Eastern Council ya agency ka, kong States 8 – Arunachal Pradesh, Assam, Manipur, Meghalaya, Mizoram, Nagaland, Sikkim aser Tripura densema lir.
Act of Parliament ajanga 1971 küm North Eastern Council tenteta liasü.
India kübok North East tesemtem nung rongsenketsüng liromedema aser renlokdaktsütsü nükjidong nung iba Council tenzükja liasü.
IIFT ya 1963 küm autonomous body University ka ama Ministry of Commerce & Industry kübok tenzüka liasü. 2006 küm IIFT indang Kolkata Campus amenokba mapang nungi shir North Eastern States atema export renlokdaktsüba tsütsü mapatong tongtibangtem inyaka arudar.