Shillong Chamber Choir-i Jaipur lit fest lapoktsü

New Delhi, January 13 (Agencies): Kaket ken o nung mongintem aika ZEE Jaipur Literature Festival nung adentsü renemshidar; Iba benjung ya January ita shia anogo pungo amonger.
Sentong ayonger ‘Teamwork Arts’ purtemi ashiba agi, Diggi Palace nung January 19 nü Shillong Chamber Choir-i iba sentong lapoktsü.
Shillong Chamber Choir ya 2001 küm tentet. Parnoki 2010 küm India’s Got Talent akok, aser kesa küm 6th World Choir Games nung gold medals 3 angu. US Tir, Barack Obama aser Michelle Obama nati India semdangdang parnoki shilem agi. Khasi nunger sobaliba ken,Opera, Western classical aser rock kentem balala atenba nung nüngtugu küma India tesem ajunga nung parnok sapua kentenba sentong balala nung shilem agitsü parnok jaoker.
Iba sentong nung Shillong Chamber Choir sülen Rajasthan nungi asem atemer Nathoo Lal Solanki-ia shilem agitsü.
January 20, tanünü sentong Swanand Kirikire aser Ankur Tiwari nati shilem agia tenzüktsü.
Iba benjongmung tatembangbuba anogo January 23 nü “East Meets Middle East,” teloki shilem agia tenzüktsü. Parnok ya raga aser maqam, tala aser iga, South Asia, Middle East aser North Africa nunger kenten yimya balala angazüka ken yanglur atenba telok ka lir.