Shillong nung aonsotsü ayoker tepsetba atema KSU lennir 2 apu

Shillong, March 24 (Agencies): Taoba ita Shillong nung aliba Iewduh shishilembadak aonsotsü ayoker ka tsüngsetba ken o dak sendakba nung Meghalaya Police-i Khasi Students Union (KSU) lennir ana apu.
February 29 nü Iewdeh (Burrabazar) nung pingana ayoker Rupchand Dewan (29) tepsetba atema KSU lennir ana apu, ta police ketdangser kati ashi.
Tenaji KSU Jaiaw Circle publicity secretary Malajied Khongbuh aser KSU Mawkhar Circle executive member Landin Nongkynrih na ta jangjaogo.
Rupchand ya Assam nung Barpeta district kübok Muslimpara nunger Ibrahim Dewan’er jabaso liasü.
February 28 nü East Khasi Hills district kübok Ichamati yimtsüng nung Khasi lanur ka tepsetba sülen Shillong nung iba mang ayangdang Dewan tepset.
Police-i iba tatalokba atema kanga meranga bushisüngdanga aru aser kulitem benden. Iba nung ajemdaker Hombarnü parnoki nisung ka maitsü jangjateta apu.
Iba nisung yagi pa den nisung asemi Rupchand Dewan tepsetba aser aonsotsü ayoker 6 dak kotari agi atsüngba nangzük.
Iba kuli nungji ajemdaker police-i nisung tanabuba apu aser tanüngba nisung ana aputsü atema bushitepdar, ta police ketdangserisa ashi.
Tanüngba nisung indang maitsü jangjaogo aser kobi melii aputsü, ta paisa ashi.