Shillong nung Army indang tayimtsü ka tsüok

Shillong, October 21 (Agencies) : Bodbarnü Shillong Advance Landing Ground anasa Indian Army indang tayimtsü tila ka tsüok.
“Iba lendong nung Indian Army nungi jawan ana yiru. Tena ya Microlight aircraft ka nung Advanced Landing Ground training agidang lendong ajuru” ta Defence PRO-i metetdaktsü.
“Shillong ALG anasa aliba tenem tila ka nung Microlight aircraft ji anentsüsa aküm aser jawan anaprong search & rescue team-i kümzük” ta osang ajangasa ashi.
Iba tatalokba atema Army-i bushisüngdang ka tenzükogo.