Shillong nung Nagaland Medical Lodge yanglutsü

Dimapur, Chiteni (July) 6 (TYO): Chiteni (July) 10, 2018 nü Mawdiangdiang, Shillong nung Nagaland Medical Lodge yanglutsü atema lung azüngtsü.
Nikongtsütsü 2:00 ako nungi agiba sentong nung mendenji Secretary, Home, Rovilatuo Mor, IAS asütsü, Naga Christian Fellowship pastor Rev. Yanrenthung Humtsoe-i meshiteta sarasademtsü aser Meghalaya Chief Minister Conrad Sangma-i lung azünga yutsütsü.
Sentong nungsa Nagaland Chief Minister Neiphiu Rio-i o jembitsü, Naga Students Union Shillong-i ken ka atentsü, PWD Nagaland Minister Tongpang Ozukum-i o tatsüka jembitsü aser Assistant Resident Commissioner, Shillong, Thungbemo Patton-i anküp tepela o jembitsü.