Shillong nung River Festival amungtsü

Guwahati, June 19 (Agencies) : July 15 aser 16 anogotem Shillong nung NADI 2016, Asian Confluence River Festival amungtsü aser iba ya northeast aser anameta aliba linüktem nung ayongtem benjungteptsü.
Iba benjung nung sorkar ketdangsertem, shisashirtem aser tanga nisungtem külemi adenshia amungtsü aser ibaji ajanga Northeast region aser anameta aliba linüktem tsüngda tesentaktep akangshitsü.
Asian Confluence River Festival nung Union minister tem, NE state nungi chief minister tem, Bangladesh tourism minister Rashed Khan Menon aser Minister of state for foreign affairs Shariar Alam nungertem adentsü sentong lir.
Yaküm PM Narendra Modi-i ayongtem ajanga tesentakatep yanglutsüla aser sendaktepa aliba ajanga temulung tali lemteper ta ashiba nung ajemdaker iba benjung ya ayongzüker.
Iba benjung ya Bangladesh aser northeast nung arrtsü anasa aliba tesemtem atema tongti sür agitsü. Nepal, Bhutan, Myanmar aser NE state ajak nungi Observers jaokogo.