Shillong nung sen tejen lakh 60 shia aru

Shillong (Meghalaya), November 23 (Agencies): Tawa Shillong, Laitumukhrah nung Ramakrishna Mission telungtet anasa polythene yangkhu nung sen 500 aser 1000 senpaktem sen lakh 60 angu.
Tanü police osang ka ajanga, November 12, 2016 nü kibur maliba polythene yangkhu ana nung tawa anentsüba senji Ramkrishna Mission (RKM) ketdangsertemi angu, ta metetdaktsü.
Police-isa, senji November 12 nü nguaka Laitumkhrah RKM ketdangsertemi Kolkata nung parnok headquarters nungi tetuyuba ataba ajanga police nem iba osang agütsütsü mapang agi, ta metetdaktsü.
Iba sülen ketdangsertem jagi Kolkata nung aliba parnok indang tongti office nem osang metetdaktsü. Iba sülen tongti office nung ketdangsertemi parnok dang police dang iba senji mejangjaba nisung nungi tenla aru aser iba senji agizüker ta shiang ta tuyu, ajisüaka ibaji RKM ozüngtem alema liasü.
SP City, Vivek Syiem-i ashiba agi, sen anguba osangji Hombar nikongdang ang police nem metetdaktsü, aser iba senji Income Tax department ketdangsertem ket nung agütsüogo.