Shillong nung tai mapa anema lokti senden akatsü

Shillong (Meghalaya), January 05 (Agencies): January 11 nü tetsür chanu ka dak tim mesüi mejungi benshiba dak sendakba ken o, koba tanü asüng ka jungkai adokogo, iba anema lokti senden ka akatsü. Iba mapa tamajung inyaker nem tapet temerenshi agutsüdaktsütsü asoshi sorkar ajungshitsü iba sentong ayong.
Iba ken o dak sendakba nung minister ka aser MLA ka aija lir.
Thma U Rangli Juki aser Civil Society Women’s Organization na leniba nung lokti senden ayongtsü asoshi Mongolbarnü telemtetba agi.
Parnoki ashiba agi, Chief Minister Mukul Sangma-i iba ken o asoshi ketdangsüa inyaktsüla, aser Congress züngsem ana asoshi tapet temerenshi agutsütsüla.