Shillong nungi Animesh-i Mega Mister North East 2016 takok angu

7buba Fair & Lovely Men Mega Mister North East toktepba nung takok angur, Animesh Pandit (tiyong), Colin Jacob Rajan (abelen) aser Sushanta Rajkumar nungertem noksa nung angur. 

Guwahati, June 19 (Agencies): Honibarnü Meghalaya nungi Animesh Pandit-i 7buba Fair & Lovely Men Mega Mister North East 2016 takok angu.
ITA Cultural Complex, Machkhowa nung iba tetoktepba sentong nung northeast tesem balala nungi nisung 700 shi adenshia lia Animesh-i takok angu.
Manipur nungi Sushanta Rajkumar aser Assam nungi Colin Jacob Rajan nati tanabuba aser tasembuba jenjang takoktem angu.
7 buba Fair & Lovely Men Mega Mister North East 2016 nung tetoktepertem Guwahati nung hopta ka shi mungzük aser iba mapang Mega Entertainment ajanga grooming aser training sessions agi.
Iba sentong ya Reliance Trends, Radisson Blu, Vodafone U, Axe Signature aser State Bank of India temi teyrai agüja ayongzük.
Arishi küm 20 tain Animesh Pandit ya St. Anthony’s College, Shillong nung Biochemistry degree final year kaketshir ka lir aser pa St. Edmund’s School nung azüng.
“Ni kanga pelar. Kübo school tesayur ka aser kütsü Shillong nung homemaker ka lir. tena kanga nüma atangtsü ta ni meteta lir” ta Animesh-i takok anguba sülen ashi.
Tanabuba jenjang takok angurji Imphal nungi Sushanta Rajkumar lir aser pa ya Punjab nung BTech second year azünger. Pa tebu ya IFS officer ka lir aser tetendangertemi pa shimba atema kanga pelar ta Sushanta-i ashi.
Tasembuba jenjang angurji Colin Jacob Rajan lir aser pa ya Scotland nung azüng. “Ni United States nungi arua iba tetoktepba nung shilem agitetba atema kanga pelar. tetendangertem ajak dang kanga pelar aser talisa Mega Entertainment o Abhijit Singha-i maongka agütsüba atema kanga pelaba shisemer” ta Colin-i ashi.
Taküm tetoktepba atema tetendangertem : Shillong nungi Runner Up-Mega Mister North East 2009 & fashion designer, Arif Mukhim; Mega Miss North East 2015 Jessica Marbaniang; Runner Up- Mega Miss North East 2013 & ‘Dear Bohemian Man’ zülur Subi Taba; marketing consultant & Kingfisher nung Brand Head Naved Qureshi; aser Entrepreneur & Hotelier Bobby Singh.