Shillong nungi Magic sayur ka Kerala Convention nung adentsü

Shillong, June 24 (Agencies) : Kerala nung taküm August ita nung akatsü aliba Magic Convention nung Shillong nungi adokba magic sayur, John Lanong-a state tenüng nung shilem agitsü atema shimtetogo.
Pa shimtetba osang metetdaktsüba mapang Lanong-i, August ita nung akatsü aliba convention nung linük rangben aser bendanglen nungi nüngtugu magic sayurtem adenshitsü, ta ashi.
Pai ashiba agi, onok nem iba sentong nung magic sayutsü maongka agütsüba dang masü saka onok magic sayuba yimya tajungba küma renloktsü atema olemtepa mapanga akatsü.
Lanong-i, “Ni iba sentong tulu nung adentsü atema renema lir. Ni card amshia magic sayuba agi tereprangtem kanga bangkadaktsütsü tebilemba lir,” ta ashi.
Iba sentong tulu nung adentsü atema Lanong shimba asoshi pelaba metetdaktsüdak, state sorkari state nung magic sayutsü sempet alirtem züzüa dang yutsüba kanga sasar, ta Alfonse Kharsyntiew-i aija ashi.