Shillong nungi New York atongtsü: Dossers Urge

April 02, 2016 : Shillong nungi Dossers Urge kentener telok ajanga Shillong music tenüng kanga ajungkettsüogo.
Kentener telok tajung ka shimer Brooklyn studio-i anir aotsü atema India nung ‘Road to Converse Rubber Tracks’ sentong ayonga liasü.
Iba sentong ya Delhi, Mumbai, Pune, Bengaluru aser Guwahati yimtitem nung agia liasü.
Osang ajanga ashiba agi iba tetoktepba nung Shillong nungi rock kentener telok ka shimtetogo aser parnok ken ajak Brooklyn, New York nung oa Converse studio nung Converse Rubber Tracks teyari ajanga menüngoktsü. Parnok oli aruli aser ken menokba sen ajak Converse Rubber Tracks-i agütsütsü.
Ibai takok kangasa tulu lir, Dossers Urge teloki parnok sasa parnok tenüng ulushiogo aser onoki par telok Brooklyn, New York nung ken kanga junga menüngoktsü amanger. Tarutsü nunga ano takok tajung nguangma, ta sentong ayongertemi ashi.
Dossers Urge telok yangi sabang nung shilem kangasa junga agiteter aser iba den külemi drum atemsangi drum kanga junga atemba ajanga nüburtem tali ajungmesor.
Dossers Urge telok nung David Kom-i Guitar tema ken atener, Gideon Kom-i Drum tema ken atener aser Romeo Kom-i Bass Guitar tema ken atener.