Shillong o Mumbai na draw nung tembang; East Bengal-i Sporting Clube de Goa akok

Shillong, January 10 (Agencies): I-League football asayamong anogo tanabuba nung, tanü Deobar nü, Shillong Lajong telok o Mumbai FC telok na asaya goal 0-0 draw nung tembang saka East Bengal teloki goal 3-1 agi Sporting Clube de Goa telok madak takok angu.
Tanü asaya tetenzüklen Penn Orji-i par Shillong telok asoshi goal agütsütsü maongka angu saka pai metsüoktsüba ball tezülen oa goal agütsütsü maongkaji amajok nung süidaktsü.
Eric Brown-ia minute 9 buba nung goal agütsütsü merang saka ball-ji tezüleni aoba yong par Mumbai telokia temaba jenjang mongutettsüsa aküm.
Tesülen, Sushil Singh o Arata Izumi natia par Mumbai telok asoshi aser Uilliams-ia par Shillong telok asoshi maneni goal agütsütsü merang saka parnokia goal ka danga magütettsüti tanü asayaji draw nung tembanga liasü.
Ano külen, Ranti Martins-i goal 2 agütsüba densema par Bengal teloki goal 3-1 agi Goa telok madak takok ngua liasü.
Odafe Okolie-i asaya tenzüker minute 29 buba nung goal 1 agüja par Goa telok temaba jenjang nung ajungkettsü.
Ajisüaka, Martins-i asaya tenzüker minute 67 buba nung goal-ji meyiptsüba den külemi, minute 80 buba nung maneni goal 1 agüja par Bengal telok temaba jenjang nung ajungkettsü.
Tesülen, külem asayar, Bikas Jairu-i minute 78 buba nung tasembuba goal agüja par Bengal telok nem takokba bener arutsü.