Shimla: Gari lendong nung nisung 13 asü

Shimla, Rongjui/September 22 (Agencies): Tanü Himachal Pradesh state kübok Shimla district nung jeep gari ka tsükokba lendong nung nisung 13 süogo, ta police-i metetdaktsü.
Iba lendongji Kuddu nungi kilometer 3 pilar aliba Sanail nung atalok.
Gari lendong nungji gari nung mena alir 13 prongla asü, ta Shimla Superintendent of Police, Omapati Jamwal-i metetdaktsü.
Iba lendong atalokba tesem nungjisa nisung 10 atanga asü, aser tanüngba nisung asemji Rohru hospital nung asü, ta Jamwal-i ashi.
Asürtem rongnung kibong ka nungi züngsem 8 densema liasü.
Iba lendong atalokli Jubbal SHO aser Swara police post in-charge na leniba nung police team ka lendong talokba tesem jagi oa yirua alir asem kümzüka Rohru hospital-i anir ao, ajisüaka mekümzükteti süogo, ta Jamwal-isa metetdaktsü.