Shingaia ni kibong akümtsü atema majungshir : Salman

Mumbai, July 16 (Agencies) : Salman Khan-i kibong makümba atema nisungtemi pa dang aiben kechiba ta asüngdangyonga arur, saka pai ashiba agi par kibong nung nisung shingaia pa kibong akümtsü atema menungshir.
Arishi küm 49 tain Salman-i 92.7 BIG FM show nung radio interview ka nung iba ya ashi.
Salman’er kibongi pa nem kibong akümtsü atema tetuyuba kar agüja lir ta olulu jembir, ajisüaka pai ashiba agi, “Ozü kibong nungi ni kübong akümtsü atema tetuyuba mesüra mapang atakzükja mali. Ozü kinünger shingaia ni kibong akümtsü atema majungshir.”
“Taoba mapang ni arranged marriage asüyonga kecha masü ta bilem saka tanübo ni ibaji memulunger” ta Salman-isa shisem.
Sentong ka nung Salman tebu Salim Khan danga osangbenertemi par jabaso kodang kibong akümtsü ta asüngdangdang, tebui “Allah-ia ibala tasüngdangba atema telangzüba magütsütettsü” ta langzü.
Salman-i tetsür den meimtepba mapang aiben osang tongtipang küma prokshir. Tesüiba mapang pai Sangeeta Bijlani, Katrina Kaif aser Aishwarya Rai nunger den meimtepogo.
Asüng Hokolbar Salman-i tongti shilem agiba “Bajrangi Bhaijaan” film sayatsü aser iba asoshi pa kanga mazüngi sentong balala nung shilem agir.
Kabir Khan-i direct asüba film nung Salman den Kareena Kapoor Khan o Nawazuddin Siddiqui nati shilem agir.