Ahmedabad, January 11 (Agencies) : Patel quota atema takhangba agüja lungkak aitba sentong lennir Hardik Patel, tang tepuokdak yua lir saka pai ashiba agi pa tepuokdak nungi chiokba sülen maneni lungkak aiba sentong agitsü aser ibaji Gujarat Chief Minister Anandiben Patel-a menoktangtettsü.
“Ni kodang tepuokdak nungi chiokba sülen, maneni lungkak aittsü. Ibaji masü tashi ni tepuokdak kü mapang tembanga alitsü” ta Hardik-i osangbener dang ashi.
“Onoki sentong atongba ama lungkak aitba manentsü aser shingaia menoktangtettsü. Kütsü tanutsü (Anandiben Patel)-ia menokdangtettsü” ta pai ashi.
Hombarnü Surat Judicial Magistrate JB Rathod okadaki Hardik anir oa ken o angadangdang pa atema okatsür Yashwant Vala nem aitsüba ken o ka tezüluba nung agütsü.
Iba onük ya Surat sessions court nung angadangtsü atema district court-i tetuyuba agütsü aser maneni January 20 nü angadangtsü.
Hardik aitsüba charge sheet ji tapak 370 lir aser iba nung pa Indian Penal Code nung 124(A) – sedition, 115 (abetment of offence) aser 201 (causing disappearance of evidence) kübok aija lir.
Hardik aser tangartem telephone ajanga jembiba menüngokba kuli amer police-i Hardik aitsür. Pai lungkak aitba mapang lanurtem dang ozüng alema inyaktsü ajungmeso ta police-i aitsür.
Yaküm October ita pai lanur ka dang pei sasa soseta asütsü melena police-ang ka tepsetang ta ashiba olen nung ajemdaker police-i Hardik ji linük anema noktaker ka ta ken o balaka nung aija lir.
Anosa, Ahmedabad Crime Branch-ia Patel kin lennir Hardik aser pa den yariteper nisung pungui linük anema mapa inyak ta aija lir.
Patel kintemi Gujurat nung sorkar mapa aser shisaliok rejutem nung shilem mekazüka yujang ta takhangba agüja lungkak aiter.
You must be logged in to post a comment Login