Shirem otsü indang cartoon series ka tenzüktsü

New Delhi, November 23 (Agencies): Cartoon animation comedy tasen “We Bare Bears” indang series ka tan hopta tatemlen nungi TV nung sayutsü. Iba cartoon ya shirem chanu asem indang otsü lir.
Shirem asem tenüngji Grizzly, Panda, aser Ice Bear lir. “We Bare Bears” cartoon yagi item shirem chanu asem yagi meimchir lokti nung adentsü merangdang timtemba otsü sayur.
Grizzly-i teno ana, Panda aser Ice Bear anir iba nükjidong atongtsü merangdang lendongi ai’er. Chiyungtsü bushidang, nisung den temba ayimtsü merangdang mesüra internet ajanga nüngtugu akümtsü merangdang shiremi sobaliba nung atongtsüji mapa temela masü, ta iba otsü yagi sayur.
Shirem tem yagi parnok aliba longpok anasa meimchir sobaliba indang kanga junga angazüktsüla aser parnok kati ka dak jenoktsü angatettsüla, ta otsü ajanga tuteta sayur.
Iba otsü nung episodes 13 tashi lir aser episodes ka nung otsü minute semer lir. “We Bare Bears” ya “Adventure Time”, “Clarence”, “Steven Universe” aser “Uncle Grandpa” tem aliba aser India nung sayaba ‘Cartoon Network’ Original show, tarenseni iogo.
Iba otsü ya Deobarnü nungi sayutsü sentong renema lir.