Shirnoki Ajeper parnok ajanga Tsüngremi maneni jembir

Jashia mang yimang aser jebang, nenok menüba tajepba kümang, aser nenok pelaba khuret kümang. Yakob 4:9
Laishibaji nüktsü nung zülu aser ajepba jagi iba rongsen tajungtibaji adokdaktsür. Südoksenema aliba nisung den Tsüngremi jembitsü kecha maka.
Atentena aliba Mosa den Tsüngremi tenem nung jembi aser kasa nisung jagi Tsüngrem dangi Israel nunger asoshi pa Tsüngremer taküm kaket nungi pa tenüng endokang ta ashi. Tsüngremi pa ajanga Israel nunger kümzük. Danieli lumi aser sarasadem ajanga Gabriel putu aika kotak nung miima osang bener arua ashi. Temaitsü tenet ajenba kaket lapoktsü tetemsü nisung manguba agi kodang Yohan, tambur kati Yihuda kidong aji lapoktsü ta pa mulung süneptsü.
Tenüngsang Ken züluri ken aika jeba zülu, ainkartem parnok mulungjang amsaa liasü, aser Tenyar Pauli pa tepela shiti Filipi nunger dangi züludang nüktsü yima zülu. Pai kangki tsükchirtem aika aliba aser parnok tatembangji teraksa ta bilemteta pa nüktsü ayim. Khristan tanishirtemi shirnoki alima arakzükdaktsü parnok ajak tejashiba nisungtem liasü, nüburtem ajungtsü bilemdang parnok temulungjang khuret liasü.
Nüktsützü nung tashi mali asü, saka mezüng arogo nung tashi aser Nüktsützü külemi liasü. Tamangba yimsü nung temulung magütsüi alirtemi kodang ochiba  tesangwa jagi parnok dak kongshidir parnok raksatsü.
Nüktsü maliba tenükji tatem nung tesangwa koba nung parnoki rangloker iba tesangwa jagi tenük pokdaktsütsü.
Oba, ni nüktsü yima Ne O ochi O sayutsü yariang.