Shisa akartem temoatsüba

Shiba shisa taka lir, pai itemi angatetang, shiba tekümdang lir, pai item metettang; kechiyong Kibubar sentong shitak lir aser ochishiri item nung jajatsü; saka ozüng raksartem laotsü (Hosea 14:9).
Tindanger asoshi Kibuba lemangji mitsa, saka temenen inyakertem asoshi aji tesamatsüba alitsü (A.Shin 10:29). Shiba tenarong aten pai angang (Mathi 11:15). Shir shisa aka, item mapa nung temulung agütsüdakjang, aser parnoki Kibuba yimlibilem indang shisadangtsü (T. Ken 110:43). Tenük temang milen lir. Anungji ne nük junga lira, ne mang ajak sangwatsü (Mathi 6:22). Kari Pai mulungba inyaktsü mulungra inyaktsü, Ni sayuba ya Tsüngrem O asü, Ni pei sasa nungi jembir, aji Pai metettsü (Yohan 7:17). Kechiaser shiba aka, pa nem ano agütsütsü, aser pa tali akatsü, saka shiba maka, pa nungi pa kechi aka ajia bener aotsü (Mathi 13:12).
Shiba Tsüngrem meyong lir pai Tsüngrem O angar: nenoki aji mangar, kechiaser nenok Tsüngrem meyong masü (Yohan 8:47). Aser nenok taküm angutsü asoshi Kü dangi arutsü nenoki memelunger (Yohan 5:40).
Kü santemi Kü ola angar aser Ni parnok metet, aser parnoki Kü sülen anidaker. (Yohan 10:27).