Shisabulu süngzüktsü asoshi teinyaktsü kar

Shisabulu dang shinga mali asen kija amai bilemer. Ajisüaka mozü agiba aser pei sasa temulung uluba ajanga iba nungi jenbutsü. Yimya, inyakyim, libaliro aser tebilembatem melenshiba ajanga mozü dang nungia tajungba shisabulu pungpadaktsür.
Shisabuluba süngzüktsü asoshi temetettsü kar yamai:-
1. Teti inyakba kar melenshitsüla:- Depression Research & Clinic Program nung Psychiatrist aser director Ian Cook-i ashiba agi inyaksangshi yimya khen melenshiba ajanga shisabulu samar.
2. Nükjidong ayutsüla:- Anogo shia nai akoktsü nükjidong tasen kar yur aji akoktsü merangdang shisabulu amadoker.
3. Exercise agitsüla:- Exercise agiba ajanga tekolok inyakyim tashi itdaktsür. Anogoshia tatsütsü jajazüba ajanga temang nung tang aser tarutsü atema tajangzük angütsü.
4. Achiajem junga asütsüla:- Shisabulu anentsü chiyungtsü balaka atakteta mali saka omega-3 fatty acids aketba salmon aser tuna amala den folic acid aketba spinach aser avocado amala achiba ajanga shisabulu süngjemdaktsü ta Ian Cook-i ashi.
5. Amua junga oa mejangtsüla:- Na mejangba takdang nung TV aser computer mayutsüla aser anüngdang tatsütsü memejangtsüla. Yamaji benshiba ajanga memeteti amua aoba yimya melenshiadoktsü.
6. Mapa kar nung mazüngi alitsüla:- Kidang aser mapa nung mazüngi aliba ajanga shisabulu pungpa akümtsü.
7. Tamajung bilemba koktettsüla:- Nü sasa na anema bilemba aser tamajunglen bilemba azükokba agi shisatsü merüka kümdaktsür aser ibaji ajanga shisabulu anendaktsür.
(Source – Internet)