Shisatsü Bushitsüla

T. Ken 94:8 Nisung rongnung nenok tamashi tem angatetang; aser nenok tamashi tem, kodangang shisa akatsü?
A. Shin 1:22,23 Nenok tongmelangertemi kopika tongmelang shisatsü meimtsü? Aser sensamasar temi sensamasaba nungi pilatsü aser sowartemi metetba kopika sempatsü? Nenoki Ni arütsüba dangi meyipang: Ajiang nenok madak Ni Kü Tanela meküploktsütsü, Ni Kü O tem nenok nem metetta kümdaktsütsü.
A. Shin 4:5-7 Tashi temetet nguang, tangatetba nguang; tamadok aser Kü bang O tem nungi pilaa tu. La senzüka teyutsü aser lai na sotta ayutsü, la meimang aser lai na anüktsü. Tashi temetet tetenzükji ya: tashi temetet nguang aser nai kechisa ngudir nguaka tangatetba nguang.
A. Shin 19:20, 27 Tesayuba angang aser temetongshiba agizükang; anungji tarutsü nung na tashi temetet alitsü. Kü jabaso, shisatsü O tem nungi pilatsü sayuba nungi anenang.
A. Shin 23:12,23 Tesayuba nungji ne mulung liang aser shisatsü O tem lenji ne narong tenang. Ochiba aliang aser aji teyok, tashi temetetba tesayuba aser tangatetba aliang.
1 Korint 14:20 Adianutem, temulung nung tanur tesü, tamang nung kinü süang saka nenok temulungjang tain süang.
Efesa 5:15-17 Anungji nenok koda jajar kümdanga reprangang, shisa makaba ama masü saka shisa akaba ama jajang, mapang tajung ajak alangzükang, kechiyong anogotem tamajung lir. Anungji tamashir tesü saka Kibuba mulung kechi lir aji angatetang.
Kolosi 4:5 Mapang tajung alangzükang, tezülen nung alirtem tsütsü shisatsü nung jajang.
Temeimba Oba, Ne O ajanga ni shisa kaa kümdakjang. Amen.