Shisatsü Kibubai agütsür

Saka tashi temetet kong angutsü? Au, tangatet alidak kong ali? (Yob 28:12).
Saka nenok rongnung kar shisatsü agi anünga lira, atalaa marütsüi angati ajak nem agütsüba Tsüngrem dang pai meshidakjang: aser aji Pai agütsütsü (Yakob 1:5). Ne mulung ajak agi Kibuba dak amangang, aser na pei teshisadangba nung temulung lema teli. Ne lenmang ajak nung Pa agizükang aser Pai ne lenmang metongtsütsü (A.Shin 3:5,6). Na pei nükdang tashi temetet teküm; Kibuba tsübuang, aser temenen nungi pilaang (A.Shin 3:7).
Idangji ni ashi, Oh, Kibuba Tsüngrem! Ajiang, koda jembitsü ni makok: kechiyong ni tanur ka dang. Saka Kibubai kü dang ashi, “Ni tanur ka dang ta teshi: kechiyong Ni shir dangi na yokdir na aotsüla, aser kechisa Ni ne dang meladir nai jembitsüla. Parnok tetsübu: kechiyong na kümzüktsü Ni ne den lir” ta Kibubai ashi (Yr. 1:8). Aser iba anogo nungji nenoki Kü dang kecha masüngdangtsü. Atangji züngpung Ni nenok dang shidi nenoki Tebu dang langka meshira, Pai aji nenok nem Kü tenüng nung kecha memeshi: meshiang, aser nenoki angutsü, anungji nenok tepela teperi akümtsü (Yn. 16:23,24). Aser amanga sarasademba agi nenoki kechisa meshidir ajak nenoki angutsü (Matt. 21:22).
Kibuba, Nai kü nem jenti agütsüogo; ni ano ka tali meshir- tenüng asangba mulungjang kü nem agüjang. Amen.