Shisatsü (Wisdom)

Laishiba nung shisatsüji tebilemba aser mapa nung ochishia bilemba aser inyakba tetezü nung amshi. Lairen mapang nung “shisa akar” telemsa ka liasü, shirnoki A. Shin, Sayutsüngir, Yob aser Laishiba nung matenba kaket tem zülu. Ibri nungeri shisatsüji Tsüngrem den tesendaktep shitak aliba ajanga Pa nungi arur ta angatetta liasü. Ochi meimchir shisatsüji Tsüngrem nungi aruba sempet ta züngshi. Teyangluba ajak nung Tsüngrem shisatsü mapa Yisu Khrista mapa nung kuli angur.
LAISHIBA
Yob 28:28 Aser nisung dang Pai ashi, “Ajiang Kibuba akümtsübuba aji temetetba shisatsü lir aser tamajung nungi pilara aji tangatetba lir.” T. Ken 101:10 Kibuba tsübubaji shisatsü tetenzük lir: Ya shirnoki inyaker parnok ajak tangatetba tajung lir. Pa tenüngsang tatem makai teti alir. A. Shin 1:7 Kibuba tsübubaji shisatsü tetenzük lir saka suwari tashi temetet aser tesayuba sempar. A. Shin 9:10 Kibuba tsübubaji tashi temetet tetenzükba aser Temeshisang metetbaji tangatetba lir.
SHISATSÜ TSÜNGREM NUNGI LIR
Yob 32:8 Saka nisung ka dak tanela (tangatetba) ka lir aser Pa dak ajak takoksang tangula lir. Aji agi parnok nem shisatsü agütsür. Yob 38:36 Telunglen shibai shisatsü inoktsü? Mesüra shibai temulungjang nung tangatetba agütsü? A. Shin 2:6 Kechiaser Kibubai tashi temetet agütsür, Pa bang nungi shisatsü aser tangatetba adoker. A.Shin 28:5 Tamajung nisungtemi ochiba mangatetter saka Kibuba bushirtemi aji jung junga angatetter. Isaiah 48: 17 Yamai Kibuba na alangzüksang, Israel temeshisangi ashir: Ni Kibuba nenok Tsüngrem lir, shibai nenok dang tajangzük asoshi sayur aser nenok aotsüba lemangi nenok anir aor. Yakob 1:5 Saka nenok rongnung kar shisatsü agi anünga lira, ata laa marutsü angati ajak nem agütsüba Tsüngrem dang pai meshidakjang aser aji pa nem agütsütsü.
Oba, Ne O bushiba ajanga ni shisa kaa kümdakjang. Amen.