Shishilembar tetsürtem kija atema sorkari scheme tenzüktsütsü

Hyderabad, January 07 (Agencies): Kobi melii shishilembar tetsürtem atema Centre-i scheme tenzüktsütsü, ta tanü Ministry of Micro, Small and Medium Enterprises (MSME) nung tongti ketdangser kati metetdaktsü.
“Iba scheme ji shishilembar tetsürtem atema dang asutsü. Iba scheme atema onoki tatem küma sentongtem meyanglu. Iba scheme ji financial year matemdangsa tenzüktsü onoki imlar,” ta Ministry nung Joint Secretary, B H Anil Kumar-i Hyderabad nung osangbenertem dang metetdaktsü.
Tamalen pai industry body ASSOCHAM indang myloanassocham.com portal ka tenzükja liasü, koba ajanga Ministry of Micro, Small and Medium Enterprises (MSME) online nung banks aser financial institutions indang rate tajemtiba nung angur.
Kumar-i ashiba agi, linük GDP nung shilem 8 bo MSME sector nungi lir, ano manufacture asüba output shilem 45 aser exports shilem 40 ji 2007 survey reports nung ajemdaker lir.
Item survey reports ji random survey ka lir, aser hardcore data nung koma’ar mejangjar, ta paisa ashi.