Shitilong-i takok angu; Lumami o Fusion na draw nung tembang

Dimapur, October 13 (TYO): Tang tasayadak 21 buba MDFA asayamong anogo 7 buba nung, tanü Mongolbar nü Shitilong Sporting Association teloki goal 8-0 agi Onet Korang SC madak mezüngbuba asaya akok saka NU Lumami (PGSU-L) aser defending champions, Fusion SC na tsüngda asayaba tanabuba asaya draw nung tembanga liasü.
Tanü asaya tenzükba minute nung Sakutemjen-i goal 1 agüja par Shitilong telok temaba jenjang nung ajungkettsü.
Ano, minute 7 buba nung külem asayar, Rhitso Mero-i par telok asoshi tanabuba goal agütsüba sülen Sakutemjenisa asaya tenzüker minute 17 aser 32 buba na nung par telok asoshi tasembuba aser pezübuba goal agüja asaya mezüngbuba shilem tembang tashi nung par Shitilong telok goal 4-0 agi temaba jenjang ngudaktsü.
Asaya tanabuba shilem nung, asaya tenzüker minute 40 nung Mero-i pungobuba goal agütsüba sülen, Lipoksashi-i minute 44 buba nung par Shitilong telok asoshi terokbuba goal agüja liasü.
Ano, asaya tenzüker minute 50 aser 66 buba na nung Kezevito aser Stephen nati goal ka ka agütsüba yong par Shitilong teloki tanü goal 8-0 agi Onet telok madak takok angu.
Shitilong teloki Sports Society Suyim telok den tan Brehostibar nü ajuruteptsü.
Tanabuba asaya tenzüker minute 9 buba nung Yingnyein Kongyak-i goal 1 agüja par Lumami telok temaba jenjang nung ajungkettsü saka Mathung-ia minute 54 buba nung par Fusion telok asoshi goal 1 agütsüba yong par telok anaprongla kasa jenjang aküm.
Tesülen, telok anapronglai goal kata magütsütetba yong iba asayaji draw nung tembanga liasü.
Asüng, Bodbar nikongtsütsü 1:00 ako nungi tenzüka asaya yamai alitsü:
1st Match: Elation SA Vs YA Merepkong XI
2nd Match: Arrjusanger FC Vs B Squad FC.