Shiv Sena-i tanur 5 alir kibong ajak nem sempet agütsütsü

Agra, August 29 (Agencies): Shiv Sena Agra unit-i sangdong ka ajanga, tanur pongu aliba Hindu nunger kibong ajak nem sempet agütsütsü, ta metetdaktsüogo.
Yashi district nung Shiv Sena tongti lenir, Veenu Lavania-i, tawa census ajanga Hindu nunger nütsüng ajema akümba sayuba ya tebilemtsü onük ka lir, aser iba yongji iba sempet agütsütsü Sena unit-i benokogo, ta ashi.
2010 küm nungi 2015 küm tashi nung tanur pongu aliba Hindu kibong shia nem sen lakh ana-na agütsütsü. Tsüraburtemi municipal corporation nungi anguba tasoba certificates agütsütsüla, ta paisa ashi.
Shiv Sena-isa, Muslim nunger nütsüng kanga arenba ya tebilemtsü onük tulu ka lir ta shia uniform civil code ka akhangba den külemi “kinüngbu kati kinüngtsü aika agiba’ ya temzüng ajanga memelatsüla, ta khangogo.