Shiv Sena nungi Vishwanath Mumbai Mayor shimogo

Mumbai, March 09 (Agencies): Shiv Sena nungi Vishwanath Mahadeshwar Mumbai Mayor asütsü shimogo; Mahadeshwar ya 76buba Mumbai mayor asütsü aser pai Shiv Sena nungisa Snehal Ambekar melenzüktsü.
Mahadeshwar-i Congress nominee, Vithal Lokare madak takok angu, kechiyong BMC elections nung menden 227 nungi Congress-i menden 31 dang ngua liasü.
BMC House nung shimba züngsemtemi Mumbai mayor elections atema vote agutsütepba sülen minute ishika tsüngda Shiv Sena nungi Vishwanath Mahadeshwar mayor tasenba asutsü ta sangdong. Pai votes 171 anguba ajanga vote 31 angusang Congress candidate Vithal Lokhare madak takok angu.
Taoba mapang teloktep party- Sena aser BJP nati 2017 Mumbai civic election nung balala toktep, saka BJP züngsemtemi Sena candidate, Mahadeshwar nem vote agüja liasü.