Shiva World Rankings nung 2 buba tsüngteper akümer

New Delhi, November 03 (Agencies): India nunger tsüngteper, Shiva Thapa-i tan tesüsa adoktsüba international tsüngteper tarsen nung World No.2 küma India nunger tsüngtepertem rong nung temaba jenjang abener kümogo.
Taoba October ita Doha nung asayaba World Championships nung bronze medal agizükba sülen arishi küm 22 tain Shiva-i tan jenjang tajungji angur lir.
Taoba Ocotber ita Doha nung asayaba World Championships nung bronze medal agizükba sülen Shiva-i temaleni jenjang 5 tashi atutsü maongka ngua temang touzük seret 56 taret shilem asayar tarensen nung World No. 2 akümtsü jenjang tajung ya angu.
Kasa shilem nung World Championships gold agizüksang, Ireland nunger Michael Conlan-i World No. 1 jenjang ngua lir.